O Cabalo Fosforito é un proxecto de Marta Dorribo que funciona como taller da propia artista, escola de arte e sala de exposicións. Dispón de taller de gravado e serigrafía así como dun laboratorio de fotografía analóxica.

Ademáis de promover a educación artística, O cabalo fosforito está pensado tamén como un espazo para o encontro, a colaboración entre creadoras e o crecemento cultura. Un espazo físico en Ourense onde as persoas poden aprender, experimentar, producir e expoñer arte.

Marta Dorribo é licenciada en Belas Artes pola Universidade de Vigo e formouse posteriormente en Fotografía Artística na EASD Antonio Faílde de Ourense. A súa obra caracterízase pola variedade de técnicas, decantándose nos últimos anos pola edición de imaxes, coa serigrafía como técnica principal. Marta explora temas como a identidade, a memoria e o paso do tempo nas súas creacións, reflectindo un enfoque profundo e introspectivo. Ademais de ser a impulsora de O cabalo fosforito, dirixe e imparte clases no espazo.