Desde o ano 2025 Dodo Dadá é un espazo híbrido no casco histórico de Ourense que serve tanto de galería de arte como de escola e obradoiro dos seus fundadores, Marita Carmona e Xosé Vilamoure. Este espazo é o foco artístico máis recente e dinámico da cidade, consolidándose como un punto referencial onde a arte, a creatividade e a educación artística se fusionan.
Nesta ocasión abrirán portas coa xoven voz de Eva Ragnarok como artista convidada.
Dodó Dadá é un espazo híbrido no casco histórico de Ourense que serve tanto de galería de arte como de escola e obradoiro dos seus fundadores, Marita Carmona e Xosé Vilamoure. Este espazo é o foco artístico máis recente e dinámico da cidade, consolidándose como un punto referencial onde a arte, a creatividade e a educación artística se fusionan.
Marita Carmona
Marita Carmona é unha artista plástica formada na Escola Llotja de Barcelona en técnicas de artes aplicadas ao muro, despois de cursar dous anos na Facultade de Belas Artes en Pontevedra. A súa vida como artista profesional comeza no ano 1995 coa súa primeira exposición individual en A Coruña. Desde entón, a súa obra xirou tamén por Barcelona, Santiago de Compostela, Ferrol, Vigo, Ourense e Herne (Alemaña). A súa obra explora a relación entre o mundo interno e externo creando ambigüas narrativas visuais nas que cada peza funciona coma espazo para a reflexión sobre a transformación constante. Desenvolve unha caligrafía plástica propia para transmitir a complexidade da percepción das propias vivencias e a mutabilidade afectiva, onde se fusiona experiencia individual e colectiva.
Xosé Vilamoure
Xosé Vilamoure é un artista que traballa principalmente sobre papel, desenvolvendo o seu traballo a través de series, o que lle permite observar a súa evolución artística ao longo do tempo. Autodidacta por natureza, Vilamoure basea o seu proceso creativo na observación, sendo a historia da arte e o acto de mirar as súas principais influencias. Entre as súas series máis destacadas están Taschen I, unha serie de retratos de artistas contemporáneos, e Tres, dous, un, malvasía cabecibranca euroasiática e outros retratos, onde explora a idea do retrato, a beleza e a construción da personalidade. Xunto coa súa parella, Marita Carmona, Vilamoure dirixe a galería Dodó Dadá.
Eva Ragnarok
Eva Ragnarok (Eva María Gil Roldán, 2002, Comunidade Valenciana) é unha xoven artista e ilustradora afincada en Ourense. Tras iniciar estudos en Humanidades e Filoloxía Inglesa, reorientou o seu camiño cara á arte, formándose en Dodó Dadá con Marita Carmona e Xosé Vilamoure, e completando en 2025 o Ciclo Superior de Ilustración na Escola Antonio Faílde.
O seu traballo desenvólvese no territorio da abstracción, cunha forte influencia do expresionismo abstracto. A través de materia, textura e cor, aborda emocións intensas como dor, vulnerabilidade ou intensidade vital, configurando un universo plástico expresivo e escuro.