O Covil é o taller onde Chus Lamas, ademais de adicarse á escultura realiza traballos de deseño e fabricación artesá en madeira, restauración e tapizado de mobles. Está situado na parroquia de Santo Estevo de Untes, un espazo no rural moi preto da cidade de Ourense, a carón do Miño, rodeadas de elementos naturais que lles serven de inspiración ao que se pode achegar un perfectamente a través da rede de transporte urbano.
Chus Lamas
Tras o seu paso pola Escola de Arte e Superior de Deseño Antonio Faílde, na que cursou Ebanistería Artística, sentiu o impulso de desenvolver a súa faceta artística por medio da escultura.
A través dun diálogo coa madeira crea obras de arte escultóricas que contan as súas inquedanzas sobre as problemáticas da muller na sociedade.
Mediante as técnicas de talla e torneado dálle forma á materia axudada polas cualidades damesma.
Xosé Eladio
É artista plástico e muralista contemporáneo. A súa caixa de ferramentas é a cor e dentro da mesma traballa varios estilos mesturando o realismo e a figuración. Descubriu que podía dicir as cousas con cores e formas, cousas que non podía dicir doutra maneira porque non atopaba as palabras.
Ten no seu haber moitas exposicións, especialmente na provincia de Pontevedra e Ourense.