A entrada é de balde, ainda que por un módico prezo podes adquirir o kit pequeno mecenas e facerte cunha exclusiva totebag oficial desta I Edición e algún que outro agasallo.

Non é necesario. O evento ten unha dimensión expositiva e informativa. De feito, moitas das obras que poderás ver nos estudios que visites non teñen porque estar necesariamente á venta. Iso sí, como calquera outro profesional, as/os artistas que viven do seu traballo pagan as facturas co que gañan coas súas ventas, así que, se se da o caso de que namores dalgunha peza, esta pode ser unha boa ocasión (e sen intermediarios) para te facer un agasallo, idear os agasallos de nadal ou para lle perder o medo a mercar arte, tamén para que coñezas aos artistas e, quen sabe, tal vez algún día te lembres deles.

Faite cun programa de man, a modo de mapa guiarache polos puntos da cidade nos que hai algo que ver. Nesta web, no apartado mapa, podes ademais acceder a cada un dos espazos, e clicando na dirección en cada unha das fichas de artista, se o fas desde o teu dispositivo móbil, accederás a través de googlemaps á localización

Si, os espazos abren o venres de 17:00h a 21:00h, o sábado de 11:00 a 14:30h e de 17:00h a 21:00h e o domingo de 11:00h a 14:00h.

Ideamos a tarxeta mecenas para animarte a ter unha experiencia inmersiva. A tarxeta forma parte do kit da totebag e poderás ir cuñándoa en cada visita. No último estudio que visites entregarás a tarxeta cos teus datos. Se a túa tarxeta acredita que visitaches máis de 5 estudios participarás no sorteo de 3 pezas exclusivas de Fina Rei elaboradas en chocolate a partir de obras dalgún dos artistas participantes.