Arturo Andrade (Outeiro de Orraca, Allariz, 1956) formouse en Elgoibar, vila industrial de Gipuzkoa onde estudou maestría na especialidade de axustador. A disciplina técnica e o contacto coa precisión do ferro marcaron o inicio dunha traxectoria que pronto derivou cara á escultura, tras descubrir a talla en madeira durante o servizo militar. A partir do seu regreso a Galicia decide dedicarse plenamente á creación artística, traballando con madeira, barro, pedra e bronce, e realizando exposicións en España, Xapón, Países Baixos ou Estados Unidos. Entre as súas intervencións no espazo público destacan Ártabros no parque da Torre de Hércules da Coruña, o Homenaxe á Festa do Boi en Allariz, o Homenaxe ao médico rural en Laza ou o Belén monumental no monte Morkaiko de Elgoibar.

En 1994 regresa a Elgoibar e a súa obra vira cara a formas industriais inspiradas en engrenaxes, eixes ou tubos, empregando materiais como o poliestireno. Desde 2015 reparte o seu tempo entre Elgoibar e Outeiro de Orraca, onde mantén o seu estudo, traballando entre dous contextos artísticos que se retroalimentan e definindo unha obra que une tradición artesanal e linguaxe industrial.